Providenza prupone un prugramma di trasmissione indirizzatu à a cumunità lucale, è sopratuttu à i zitelli è à i ghjovani di a regione, cù labburatorii duranti tuttu l'annu sculare.
Sviluppemu dinù una serie di corsi in forma di masterclass induve, duranti una settimana, artisti internaziunali spartenu a so sperienza è u so sapè fà cù una decina d'amparanti in i duminii di l'arti visuali, di a musica, di a scrittura è di a scienza.
Labburatorii per a cumunità lucale
Providenza vole esse un ponte cù a cumunità lucale, in particulare versu e ghjenerazioni più ghjovani, rendendu sensibuli à a ricchezza di a natura è prumovendu forme d'arti varie è sperimentale.
Pruponemu tuttu u corsu di l'annu una serie di labburatorii è di corsi dedicati à a scuperta di u cinema è di a natura.
Una seria di laburatorii regulari, aperti à i zitelli è à e classi di a regione, hè urganizata ogni settimana, u mercuri è u sabatu, à principià da l'autunnu di u 2022, da a furmatrice è distillatrice Emmanuelle Chauvon.
Sti labburatorii di scuperta di a natura s'indirizzanu in particulare à i zitelli, ma so aperti à un largu pubblicu chì hà voglia di sapenne di più nantu à l'ecosistema lucale, e piante endemiche è i so usi eccetera, in modu ghjucosu.
Più infurmazioni è iscrizzioni à i labburatorii quì.
Mossu da a vulintà di mette in piazza una pruposta culturale chì marita u locale è l'internaziunale in Corsica, Providenza vole oramai allargà u so campu d'azzione versu u publicu ghjovanu, cù a primura di sparte è di sensibilizà à a creazione artistica.
Un prugramma specificu di labburatorii cù residenti d'ieri è d'oghje, incentratu nant'à u cinema è i filmi d'arte, serà dunque sviluppatu in u 2023 cù e scole partenarie chì facenu parte di a reta d'educazione prioritaria di u circondu di Bastia è in partenariatu cù a Casa Conti in Oletta.
Per sapene di più nant'à st'iniziativa, pudete cuntattà Camille Vaillier per currieru elettronicu à camille.vaillier@gmail.com
Corsi
Providenza hè un locu d'scontri straordinarii. Cridendu chì forme nove, idee nove, generi novi ùn ponu spuntà chè da situazioni fora di l'ordinariu, vulemu pruponi una serie di corsi d'una settimana tuffati in i 22 ettari di natura di Providenza, cù artisti è scentifichi pionieri di fama internaziunale.
Hè per quessa chì urganizemu parechje settimane di masterclass in stu quatru unicu, per creà mumenti privilegiati trà artisti o scentifichi rinumati è amparanti di u mondu sanu.
Limitati à un gruppu di 12 persone, sti stagi durani 5 ghjorni è u prezzu cumprenderà l'alloghju è i pasti. Ogni residente serà alloghjatu in una capanna privata, cumpletamente fornita, sottu à un castagnu.
Ogni corsu serà sfarente è fattu à misura. L'accessu sanu à tutte e strutture di u locu serà permessu.
U prugramma si stà custruendu avà è sarà annunziatu da quì à a fine di l'annu.
