Ristorante A Cucina

A Cucina, u risturante tavula di fattoria di Providenza

Residenze culinarie di cucinieri è cucinere

2026: Apertu da u 26 di ghjugnu à u 12 di sittembre

Riservate a vostra tavula quì

Benvenuti à A Cucina, u ristorante in circuitu cortu à u focu di legna di a residenza artistica Providenza. Apertu tutta a state, prupone cene intime in faccia à a Conca d'Oro, fatte cù i prudutti di u nostru giardinu.

Ogni annu, cuochi di tuttu u mondu venenu à e nostre residenze culinarie chì, cum'è i nostri prugrammi artistichi, radicanu a creazione in u territoriu.

Dapoi u 2024, A Cucina hè assucciata à a Villa Medici, Accademia di Francia in Roma, per accoglie i so cuochi è e so cuoche in residenza.

Solu nant'à prenotazione – menu d'assaghju

Prenotate a vostra tavula isulata in mezu à a machja è scopre u nostru menu d'assaghju da 4 à 6 piatti, in evoluzione perpetua, ispiratu da e racolte di u mumentu è da e ricerche culinarie di i nostri cuochi è e nostre cuoche in residenza. U menu cambia ogni settimana è prupone una lettura nova è sensibile di i sapori corsi è mediterranei.

Prezzu di u menu : 49 € – Adattabile à i regimi vegetariani o à l'intolleranze (da precisà à a prenotazione).

Senza prenotazione – Ristorante à focu di legna & Pane e Vino Bar

A Cucina prupone ancu antipasti è piattini cotti à focu di legna, in una formula Pane e Vino cunviviale, accumpagnati da una scelta di biere è vini lucali.

Avvenimenti & Buttega

À l'entrata, scopre u prugettu Providenza, e so residenze passate è u prugramma culturale attuale.

Una piccula buttega prupone legumi, erbe di l'orti è prudutti lucali di u Nebbiu.

2026

Ghjugnu / lugliu - Chakib Mazari

Cuciniere marsigliese d'urigine algerina (Le Petit Nice), furmatu assai ghjovanu cum'è pizzaiolu è salumaghju, Chakib esplora i brodi, i sughi, a fermentazione è e tradizioni orali.

Lugliu / aostu - Sarah Fruteau de Laclos

Trà a Corsica induve hà campatu, l'urigine taliane è spagnole, l'influenze riunionese è una furmazione di pasticcera, Sarah esplora i ligami trà i prudutti lucali, a memoria mediterranea è a criazione cuntempuranea.

Aostu / sittembre - Valentine Desmoulins, partenariatu cù a Villa Medici 2026

Valentine esplora cumu i cambiamenti climatichi trasformanu i paisaghji alimentari mediterranei. Una ricerca sensibile è generosa induve cucina, ecologia è immaginazione si scontranu.

2025

Da ghjugnu sin'à a fine d'aostu - Lia Forcioli Conti (Marsiglia)

A so cucina, nutrita da una ricerca fatta in Providenza nantu à e piante salvatiche è e tradizioni orali, pruponi una esplorazione sensibile di u paisaghju corsu.

Diplomata di Ferrandi, nativa d'Aiacciu è stallata in Marsiglia, Lia s'hè alluntanata da a gastronomia classica per scopre apprucci di ristorazione più sperimentali, in particulare à Limmat. In u 2024, entra in l'EHESS è lancia Inerbita, un prugettu chì mischja antropulugia, storia è pratica culinaria.

Partendu da a ricerca d'una torta d'erbi corsi scurdata, Inerbita esplora i sapè alimentari, a cugliera salvatica è e piante manghjarecce. Sceglita da Providenza per un novu furmatu di residenza longa di ricerca in u territoriu, Lia ci crea un erbariu, anima una tavula tonda cù esperti lucali, è appronfondisce a so ricerca nantu à e pratiche alimentari insulane.

A so residenza d'estate à A Cucina prulonga stu travagliu : l'intuizioni di u terrenu piglianu forma in u piattu. A so cucina diventa un racontu vivu di piante, di gesti, di paisaghji è d'incontri — una trasmissione sensibile radicata in a memoria è in a vita invisibile di a Corsica.

Aostu - Alice Héron (Roma)

Da u principiu d'aostu, Alice Héron piglierà u cambiu in cucina per una residenza nantu à a criazione culinaria sperimentale.

Cheffa è artista interdisciplinaria, diplomata di u Design Lab di a Rietveld Academie, vive oghje in Marsiglia dopu avè travagliatu in Singapore, Parigi, Amsterdam è Berlinu. Attualmente in residenza à a Villa Medici per e so pratiche culinarie, ella cuncepisce cene immersive è buffè scultorali chì mischjanu cucina, design è performance.

U so travagliu interroga i legami trà manghjusca, corpu, spiritu è memoria. À A Cucina, ella prupunerà una serie di sperienze sensuriali è scultorali intornu à u pastu.

Mumenti forti :

- 27 ghjugnu : Buffè di presentazione è introduzzione à Inerbità, u travagliu di ricerca di Lia Forcioli Conti cuntinuatu duranti l'estate : antropulugia, cugliera è alimentazione oghje in Corsica

- 6 settembre : Tavula tonda chì riunisce à Lia è i cuglitori, circadori è agricultori scuntrati, seguitata da un buffè di chjusura

2024

Lugliu - Canelle Labuthie, Marsiglia

Per lancià stu novu furmatu, cuminceremu cù una cuciniera stallata in Marsiglia, Canelle Labuthie. Antropologa di furmazione, Cannelle s'hè iniziata à a cucina in tutta intimità. E so ricerche fatte nant'à e sumente paisane li anu data u gustu di i prudotti di pruvenienza cunnisciuta è di i cunti di trasmissione di piante è di ricette di famiglia. Oghje stallata in Marsiglia, ci hà sviluppatu una cucina cù influenze suprattuttu caraibiche è mediterranee, chì mette in onore i pruduttori è e produttrici lucali.

Agostu - Arturo Franzino, Roma

In agostu, avemu u piacè d'accoglie u cuciniere sicilianu è residente di a Villa Médicis in Roma, Arturo Franzino, per una residenza culinaria d'un annu. Dopu avè passatu a so adulescenza in Sicilia, a so passione per u leame cù i pruduttori lucali l'hà purtatu à una ricerca permanente di una cucina più lucavora, rispettosa di l'ambiente è ecunomica, chì rivisita e tradizioni culinarie europee di u principiu di u XXu seculu. Dopu avè cucinatu st'annu cù alcuni di i più grandi cuciniere taliani è francesi di u mondu gastronomicu, prupone un menù unicu chì evolverà ogni settimana, mettendu in risaltu i pruduttori lucali è u nostru giardinu.

A Cucina hè aperta da u 27 di ghjugnu sin'à u 6 di sittembre di u 2025.

Vi cunsigliemu forte di riservà nanzu di vene.

Vi pricemu di nutà chì e Cene di u Cuciniere di i vennari, di i sabbati è di e dumeniche sò accessibili solu nant'à riservazione (piazze limitate). Per e riservazioni di più di 5 persone, vi sarà dumandata l'impronta di a vostra carta bancaria.

Riservazioni

👉 Mandateci un missaghju à u +33 7 83 89 74 01

👉 O ancu riservate in linea

Ci pudete truvà nant'à Google Maps quì.

Playlist